Эрдмийн индэр клубээс уламжлал болгон зохиодог лекцээр бид энэ удаад “Х-түц” хамтлагын ахлагч, МУСТА жүжигчин Л.Баттулга /Аглуу/ ахыг урьж “Авъяасын эрэлд мордохуй” сэдэвт лекцийг уншууллаа. Аглуу ах.. бидний урилгыг хүлээн авч хүрэлцэн ирж Мэдээлэл Холбооны технологийн сургуулийн нийт оюутнуудад сонирхолтой лекцийг уншиж бие даалт, курсийн ажил, сорил гээд завгүй байсан оюутнуудыг хэсэгхэн хугацаанд ч гэсэн инээлгээд авлаа. Бид цаашид илүү их ажиллаж сонирхолтой олон лекцийг зохион байгуулахаар зорин ажиллаж байна. Та бүхэн биднийг дэмжээрэй..
Эрдмийн индэр клубийн урилгыг хүлээн авч хүрэлцэн ирж лекц уншиж өгсөн Аглуу ахдаа чинь сэтгэлээсээ баярлалаа гэж хэлмээр байна.
"Эрдмийн индэр" клубийн тэргүүн С. Нямдорж
Дэлгэрэнгүй үзэх...
“Эрдмийн индэр” клуб
“Хатан туул ба Цаг хугацаа” уриан дор “ТА ЦАНГАЖ БАЙНА УУ?” сэдэвт эсээ бичлэгийн уралдаан зарлаж байна.
Тавигдах шаардлага:
* А4 цаасан дээр 12 фондоор бичих
* Нэр, код бичих
* Үгийн тоо бичих
Шагналын сан:
Тэргүүн байр 10000₮
Дэд байр 5000₮
Хамрах хүрээ:
Мэдээлэл Холбооны Технологийн Сургуулийн 1 - 4 курсын оюутан
Хугацаа:
2010.10.15 – 2010.10.22 хүртэл Харилцаа Холбооны Удирдлагын багт ( 213-т ) хүлээн авна.
Утас: 98215068 95176599 99656465
Дэлгэрэнгүй үзэх...
Хүн төрөлхтөн үүссэн цагаас буюу хүмүүс үг яриагаар ойлголцдог болсон үеэс л уран илтгэл үүссэн хэмээн эртний ном сударт тэмдэглэсэн байх нь бий. 2000 жилийн өмнө эртний Грект ярих урлаг гээч зүйл бий болж...
энэ чиглэлээр сүргалт явуулдаг сургууль хүртэл байсан гэдэг. Юлий Цезарь, Наполеон Бонапарт, Авраам Линкольн, Адольф Гитлер, Уинстон Черчиль, дорно дахинаас Күнз гээд дэлхийд нэр алдраа цуурайтуулсан агуу суутнууд бүгд уран илтгэгчид байлаа. Тэд өөрсдийн «шидзт» үгээрээ олон, олон хүний зүрх сэтгэлийг байлдан дагуулж, бүхнийг гартаа «зангидаж» чадсан гэдэг. Харин тэд эхээс төрөхдөө л тийм чадвартай байсан уу гэвэл үгүй, Уран илтгэлийн гайхамшгийн нууц чухам үүнд л оршдог аж. Нэгэн сонирхолтой жишээ яръя л даа. МЭӨ 384-322 онд амьдарч байсан дэлхийн нэрт уран илтгэгч Демосфен анх хэний ч мэдэхгүй нэгэн байжээ. Түүгээр ч барахгүй хэн ч сонссон шоолж инээмээр тультраа хэл яриатайн дээр цээжин биеэрээ учиргүй бөгтгөр нуруутай хүн байв. Тэрбээр уран илтгэгч болохын тулд далайн хөвөөнд очиж, амандаа чулуу хийж байгаад чанга дуугаар яруу найраг уншдаг байжээ. Далайн давалгааны тэр нүсэр чимээнд амандаа чулуутай ярьсаар байгаад тультраа хэл нь засарчээ. Мөн өгсүүр газар гүйхдээ хоолойнхоо чадлаар орилсоор сул дуунаасаа ангижирсан бол таазнаасаа хурц үзүүртэй мэс унжуулж өчүүхэн төдий хөдлөхөд нь биеийг нь хатгахуйцаар байрлуулж дасгал хийсний дүнд бөгтөр нуруу нь ч бас тэгширчээ. Ийнхүү тэр асар их тэвчээрийн ачаар олон хүнийг үг яриагаараа илбэдэгч удирдагч болсон түүхтэй.АНУ-ын үе үеийн Ерөнхийлөгчдийн ная орчим хувь нь цэргийн гаралтай байсан ба маш уран гоё ярьдаг хүмүүс байв. Авраам Линкольноос авахуулаад Ричард Никсон, Жорж Буш, Билл Клинтон гээд ёстой л уран үгийн эзэд. Тэд индэрт хэлэх илтгэлээ бүр зургаан долоон хоногоор бэлтгэдэг бөгөөд тэдэнд үг бэлддэг тусгай өрөө хүртэл бий гэнэ.
Та заавал уран илтгэгч байх ёстой юү?
Улс төрчдөөс гадна аливаа салбарын лидерүүд уран илтгэлийн мастер байх нь бий. Бизнесийнхэн, шашны нэрт зүтгэлтнүүд ч үгээр авьяастай. Уран илтгэх урлаг яваандаа энгийн амьдралд ч хэрэглэгдэх боллоо. Заавал олныг байлдан дагуулахуйц лидер байхаа байг гэхэд зөв цэгцтэй, логиктой ярьж сурахыг хүсдэггүй хүн байхгүй. Наад зах нь хүн болгонд тохиолддог хайр сэтгэлийн асуудалд энэ нь гол нөлөөтэй аж. Сэтгэлтэй хүндээ өөрийгөө зөв илэрхийлж, мөн нээж чаддаг байхын тулд мөнөөх илтгэх урлаг зайлшгүй шаардлагатай гэнэ. Үнэнийг хэлэхэд ийм чадаар манай залууст дутмаг. Уран илтгэнэ гэдэг нь над мэтэд байх авьяас биш гэж бодож хэзээ ч болохгүй. Орчин үед залууст өөрийгөө хөгжүүлэх нь юу юунаас илүү чухал. Харин өөрийгөө хөгжүүлэх гол алхам нь уран илтгэж сурах гэнэ. Уран илтгэлийн гол зорилго нь юу ч ярьж байсан тэр сэдэв шийдлийг бусдад хүргэх, тэдний сэтгэл зүйг үгийн гайхамшигаар байлдан дагуулахад орших ажээ. Хүн болгон гайхамшигтай илтгэгч болдоггүй. Авраам Линкольн тариачны сууринд очиж өндөр зүйл дээр гарч зогсоод яриа хийж илтгэх чадвараа дээшлүүлдэг байжээ. Сайн илтгэгч болно гэдэг бол хичээл зүтгэлийнх гэж нэгэн ухаантан хэлжээ.
Хамгийн гол нь өөртөө итгэлтэй байх
Танд заримдаа олны өмнө гараад айх, сандрах, ямар нэгэн бэлтгэлгүйн улмаас хэлэх гэсэн үгээ мартах, юу ярьж буйгаа сүүлдээ мэдэхээ байчихдаг үе тохиолддог уу? Тэгвэл шинээр илтгэгч болж буй хүмүүст хандаж хэлэхэд, хамгийн түрүүнд амьсгаагаа зөв авах, тэгээд зорилгоо тодорхойлох, үүндээ нийцсэн илтгэлийн төлөвлөгөө зохиох, тэгэхийн тулд ярих зүйлийнхээ талаар хангалттай мэдлэг хуримтлуулсан байх шаардлагатай аж. Мөн нэг чухал зүйл бол сэтгэлзүйн бэлтгэлтэй байж эхлэлээ сайн хийх явдал. Мордохын хазгай гэдэг үг зүгээр ч нэг гараагүй бололтой шүү.
Асар их тэвчээрийн цаанаас амжилт дөнгөж цухуйна гэсэн үг байдаг. Олон эрдэмтэд энэ үгийг хүлээн зөвшөөрдөг юм билээ. «Жинхэнэ баатар эр эцсийн том тулалдаанд орохын тулд мянга мянган жижиг тулалдаанд ялдаг гэдэг. Үгийн сонголт, дууны өндөр нам байх, тайзыг хэрхэн эзэмших, хэдийд эхэлж, хэдийд дуусгах вэ, хэрхэн асуулт асуух, яаж унших гээд суралцах зүйл маш олон. Өөрийгөө хүн хэзээ ч «Би чадахгүй, энэ бол бүтэшгүй зүйл» хэмээн чамлах нь туйлын буруу гэнэ. Генерал болохыг хүсдэггүй цэрэг хэзээ ч цэрэг болж чаддаггүй гэдэг. Уран илтгэгч болъё л гэвэл чи зорьсондоо хүрэхийн төлөө тэмцэх хэрэгтэй. Алхам алхмаар хөгжсөөр яваандаа амжилтад хүрнэ. Үүний тулд хамгййн гол нь зорилгоо зөв тодорхойлох. Тэгээд түүнээсээ гажихгүй, хатуу чанд дэглэмтэй байх явдал чухал юм байна. Уран илтгэгч болох хүн заавал сайхан царай зүс, гоё хувцастай, цээлхэн дуу хоолойтой байх албагүй. Хамгийн гол нь өөртөө итгэлтэй байх нь амжилтад хүрэх үндэс болдог аж.
Дэлгэрэнгүй үзэх...
Илтгэгч хүний нэг том чухал зүйл бол хүмүүст тавьсан илтгэлээ дуусгах байдаг. Заримдаа эхлэхээсээ илүү дуусгах нь хэцүү гэж ярих хүмүүс ч бий. Хэрвээ та илтгэл тавих гэж байгаа бол яаж хүмүүст хүргэх вэ? Илтгэлээ хэрхэн амжилттай дуусгах вэ? гэж бодох нь лавтай. Илтгэлээ амжилттай дуусгахад анхаарах зүйлүүд гэвэл...
Эдгээр зүйлүүд орно. Туршаад үзээрэй.
- Хүчтэй байх
- Сүүлийн өгүүлбэрээ урьдчилан томъёолоод тэмдэглэчихсэн байх
- Өөдрөг үгээр төгсгөх
- Дуусч байгаа нь ойлгогдохоор дүгнэлт хийж төгсгөх
- Бүү дуусаасай гэж хүсч байхад дуусгах
- Илтгэж дуусангуут байрнаасаа хөдлөхгүй хэсэг зуур зогсох
- Илтгэлээ төгсгөх үедээ сонсогчид руу харж инээмсэглэх
- Сонсогчдод хандан хэдэн аятайхан үг хэлэх
- Хошигнол ашиглах
- Яруу найргийн мөрүүдийг ашиглах
- Ямар нэг зүйлд уриалах
Хаана ч, юу ч, хэнд ч ярисан байлаа эдгээрийг бүгдийг нь хэрэглэхгүй ч аль нэгийг нь туршаад үзээрэй. Таньд таалагдах болно. Амжилт
Дэлгэрэнгүй үзэх...
"Монголын Оюуны хөгжил-Оюуны спортын төв" ТББ-н тэргүүн, Ой тогтоолтын аварга шалгаруулах дэлхийн нээлттэй тэмцээний алт, мөнгөн медалт Х. Хатанбаатар ах
"Ой тогтоолтоо хөгжүүлье" сэдэвт лекцээ МХТС-н нийт оюутнуудад уншлаа.
Дэлгэрэнгүй үзэх...
Бооёо ах бидний урилгыг хүлээн авч хүрэлцэн ирж "Завгүй залуу нас" сэдэвт лекцийг МХТС-ийн нийт оюутнуудад уншлаа. Лекцэн дээр Бооёо ах...
өөрийнхөө оюутан үеийнхээ дурсамжаас бидэнтэй хуваалцаж хөгжилтэй зүйлс тохиолдож байсан үеүүдээ эргэн нэг дурсаад ээжийн тухай шүлэг уншиж өгсөн. Нийт оюутнуудад хандаж ахын хувиар зөвлөж "Хэн байснаа хэзээ ч бүү мартаарай. Хүн бүр өөрт байдаг итгэл найдварын галыг өөрөө асаах хэрэгтэй. Бусад хүмүүс зүгээр л зөвлөдөг юм шүү" гэж захисан.
Чиний үе ирнэ гэдэгт чи итгэ. "Боёо" :-)
Бооёо ахдаа болон "Шинэ үе" продакшны хамт олондоо сургуулийнхаа нийт оюутнуудынхаа өмнөөс ажлын өндөрөөс өндөр амжилтыг хүсээд баярлалаа гэж хэлмээр байна.
"Эрдмийн-индэр" клубын тэргүүн: С. Нямдорж
Дэлгэрэнгүй үзэх...
Манай клубээс зохион байгуулдаг цуврал лекц маань үргэлжилж байна. Энэ удаад бид хошин урлагийн "Шинэ үе" продакшны захирал, жүжигчин Н. Ариунболд /Бооёо/ ахыг урисан юм. Олонд Бооёо нэрээрээ алдартай тэрээр "Завгүй залуу нас" сэдэвт лекцээ унших гэж байна.
Хоногийн 24 цагт амжихгүй шахам ажилтай байдаг тэрээр багахан хугацааг ч болов уу оюутнуудтайгаа хамт өнгөрүүлэхээр болсон юм. Залуу нас, оюутан нас гэдэг үнэхээр сайхан. Бооёо ах залуудаа ямар оюутан байсан бол? Оюутан цагынх нь хөгжилтэй дурсамж олон л байлгүй... Энэ талаар лекцэн дээр мэдээрэй.
Инээд байгаа газар эрvvл нийгэм оршино.
Оюутнуудаа лекцэнд идэвхтэй оролцоорой. Лекцтэй холбоотой сонирхсон асуулт байвал лекцэнд ирэхдээ бэлдээд ирээрэй.
Лекц: 2010.03.10-нд Мэдээлэл Холбооны технологийн сургуулийн Лекц клубт 14.00 цагаас эхэлнэ.
Дэлгэрэнгүй үзэх...
Их сонсч, бага ярь хэмээн хүнд хоёр чих, нэг ам заяажээ. З. Стоик
Бид өдөр бүр ярих унших, бичихээс илүүтэйгээр сонсдог ч сонсохуйн талаар хамгийн бага ойлголттой байдаг. Сонсох бол анхаарах, тайлбарлах, ойлгоц бүрдүүлэх процессоос бүрддэг. Сонсохуй бол...
ярилцаж буй хүндээ байнгын анхаарал шаардах идэвхитэй үйл ажиллагаа, нөгөө талаас суралцах хамгийн чухал арга билээ.
Би хэр сонсдог вэ? Гэсэн асуултыг өөрөөсөө нэг асуугаад үзээрэй.
Лекц илтгэлийг хэрхэн сонсох вэ?
Бусдыг ярьж байх үед сонсох анхаарлаа төвлөрүүлэх төвшин, ярианы нөхцөл байдал, зорилго, танхим, арга зэргээс их хамаардаг.
Идэвхтэй сонсох үйл ажиллагааг доорхи төвшинүүдэд хуваадаг.
1. Шүүмжилж сонсох
2. Анхааралтай сонсох
3. Ойлгож сонсох
Шүүмжилж сонсох энэ нь мэдээллийг сонсч, үнэлэх явдал юм. Гэхдээ шүүмжлэл алдаа, зөрчлийг нь олох гэсэн үг биш, харин сонссон мэдээлэл танд яаж нөлөөлж болох вэ? гэдгийг үнэлэн сонсох явдал юм.
Анхааралтай сонсох энэ бол тодорхой ялгах чадвартай холбоотой. Илтгэгчийн сэтгэлийн хөдөлгөөнийг анхаарч, дуу хоолойн хувьслаар чухал гэсэн зүйлүүдийг нь тодорхойлон ойлгодог.
Ойлгож сонсох энд өөрийгөө илтгэгчийн оронд тавьж сонсох чадвар юм. Энд хамгийн гол нь мэдээллийг сонсч, сонсноо үнэлээд илтгэгчийн хөдөлгөөнүүдийг мэдэрч сонсох хэрэгтэй.
Эндээс дүгнэхэд хамгийн чухал нь анхааралтай байх юм. Анхаарлаа сарниулахгүй байхын тулд хичээх хэрэгтэй. Зөвхөн лекцэндээ анхаарлаа хандуул лекцэн дээр өөр зүйл бүү бод. Мөн бусдын анхаарлыг сарниулахаас аль болох зайлсхийгээрэй.
Бусад хүн өөрийг чинь яаж сонсоосой гэж хүсдэг шигээ бусдыг сонс
Сонсохуй нь суралцах хамгийн том боломж гэгдийг санах хэрэгтэй. Танд амжилт хүсэе.
Дэлгэрэнгүй үзэх...
Н. Учрал ах маань бидний урилгыг хүлээн авч хүрэлцэн ирж 86400 сэдэвт лекцээ уншлаа. Лекцийн хүрээнд 86400-гийн зарчмуудын талаар ярилаа. Дэлгэрэнгүй үзээрэй...
8 Х-н зарчим
2. Хэзээ ч өөртөө саад болохгүйн зарчим
3. Хүчтэй орших бие үзлийн зарчим
4. Хүсэл эрмэлзэлтэй өөдрөн байхын зарчим
5. Хэзээд үнэний өмнө хатуу зогсох зарчим
6. Хэмжээлшгүй их амжилтыг харж чадах зарчим
7. Хичээл зүтгэл, гал сэтгэлийн зарчим
8. Хөдлөшгүй үзэлтэй хааны зарчим
6 Ш,Б-н зарчим
1. Шатдаг, шатдаггүй төрлийн зарчим
2. Шантрашгүй хүслийн илч байхын зарчим
3. Шинээр сэтгэж гутрангаар төлөвлөж өөдрөгөөр хэрэгжүүлэх зарчим
4. Бэрхшээлийг эрхшээлдээ, Асуудлыг атгандаа зарчим
5. Бүтээлч үйлсийн далайруу бүхлээрээ шумбах зарчим
6. Бие үзлийн гал зарчим
4 Б-н эхлэл
1. Бие үзэл
2. Бардам бахдам хүч
3. Боловсрол
4. Байр суурь
00 – Тэг тэг хий.
Мөн Учрал ах маань лекцийн явцад дурын зургаан оюутнаас санамсаргүй байдлаар зургаан үг (Морожен, Алх, Мобиком, Сармагчин, Нүдний шил, Хана) гэсэн үгнүүдийг хэлүүлж аваад маш богино хугацаанд доорхи шүлгийг зохиосон юмаа. Сонирхоорой.
Утсаа авмаар байна
Хүний хорвоод төрсөн учир утгаа хүндлээсээ
Хүний угсаа гарал сармагчингаас ялгарахыг ч хүсдэг
Хөрст орчлон өмнөөс минь хана босгон хяссан ч
Хөлгөн түүхийн сударт нэрээ мөнхлөхөөр зорьдог
Энэ шүлгээ би уншиж зогсох мөчид
Ээж минь над руу Мобикомгоосоо ярьж байна уучлаарай
Утсаа би аваад хуу
За за зөвшөөрөхгүй бол тэр биздээ ТИС-нхэн
За байз тэнд хэн байна хараад хий
Алх хадаас хоёр ах дүү шиг хамтдаа шиг
Аавын хоёр хүүхдийг алаг үзээд яахав
Нүдний шилний цаана нуугдаж буй царай
Нүүрийн буянтай харагдах нь юуных вэ хайрынх уу
Лекц уншуулчаад ТИС-нхэн Моражин авч өгөлдөө
Ленин багш биш ч гэсэн Монголын нэг л залуу шүү дээ
Уучлаарай утсаа ядаж аваад хуу.
Бидний урилгыг хүлээн авч хүрэлцэн ирсэн Н. Учрал ахдаа клубынхээ болон нийт оюутнуулынхаа өмнөөс чинь сэтгэлээсээ баярлалаа гэж хэлмээр байна.
Бид 86400 аяныг дэмжиж байна. Та ч гэсэн дэмжээрэй.
Дараа дараачийн цуврал лекцэд идэвхтэй суугаарай оюутнууддаа.
Клубынхээ таван жилийн ойн мэндийг МХТС-н нийт оюутнууддаа хүргэж байна.Анд нөхөр чинь урвалаа ч, ахан дүүс чинь хаялаа ч, албаны шатнаас уналаа ч илтгэх хүчийг эзэмшиж чадсан бол та хэнд ч давтагдашгүй хүчтэй хэвээр байх болно.
У. Черчилль
Дэлгэрэнгүй үзэх...
Сайн байна уу? Эрхэм оюутнуудаа! Оюутны “Эрдмийн индэр” клубээс уламжлал болгон зохиодог цуврал лекцээр энэ удаад бид Их засаг их сургуулийн маркетинг эрхэлсэн проректор, 86400 төслийн удирдагч, Хууль зүйн ухааны магистр Н. Учрал ахыг урисан юм. Олонд Темон нэрээрээ алдартай тэрээр “86400” сэдэвт лекцээ унших гэж байна. 86400 гэж юу вэ? Ямар утга агуулдаг вэ?
Энэ талаар бүгдээрээ лекцэн дээр мэдэцгээе!!! Та бүхэн сонирхсон асуултаа чөлөөтэй асуугаарай.
Лекцэнд хүрэлцэн ирээрэй. Бүгдэд нээлттэй.
Лекц 2010.02.24-нд Мэдээлэл Холбооны технологийн сургуулийн Лекц клубт 14 цагт эхэлнэ.
Дэлгэрэнгүй үзэх...
Эрдмийн индэр клубээс уламжлал болгон зохиодог лекцээр бид энэ удаад “Х-түц” хамтлагын ахлагч, МУСТА жүжигчин Л.Баттулга /Аглуу/ ахыг урьж “Авъяасын эрэлд мордохуй” сэдэвт лекцийг уншууллаа. Аглуу ах.. бидний урилгыг хүлээн авч хүрэлцэн ирж Мэдээлэл Холбооны технологийн сургуулийн нийт оюутнуудад сонирхолтой лекцийг уншиж бие даалт, курсийн ажил, сорил гээд завгүй байсан оюутнуудыг хэсэгхэн хугацаанд ч гэсэн инээлгээд авлаа. Бид цаашид илүү их ажиллаж сонирхолтой олон лекцийг зохион байгуулахаар зорин ажиллаж байна. Та бүхэн биднийг дэмжээрэй..
