ИХ, ДЭЭД СУРГУУЛЬ, КОЛЛЕЖИЙН ОЮУТНУУДЫН ДУНД ШИЛДЭГ ИЛТГЭЛИЙН УРАЛДААН ЗАРЛАЖ БАЙНА

Уралдааны зорилго:
Жил бүрийн арванхоёрдугаар сарын 9-ний өдрийг НҮБ-аас Авлигын эсрэг дэлхий нийтийн өдөр хэмээн тунхагласан билээ. Үүнтэй холбогдуулан Авлигатай тэмцэх газар, Монголын Сэтгүүлчдийн нэгдсэн эвлэл, НҮБ-ын Хөгжлийн хөтөлбөрийн “Монгол Улсад шударга, ил тод байдлыг бэхжүүлэхэд дэмжлэг үзүүлэх” төсөлтэй хамтран их, дээд сургууль, коллежийн оюутнуудын дунд илтгэлийн уралдаан зарлаж байна. Илтгэлийн уралдаан нь үндэсний шударга ёсны тогтолцоог бэхжүүлэх чиглэлээр явуулж буй Авлигатай тэмцэх газрын үйл ажиллагаанд оюутан залуусын оролцоог нэмэгдүүлэх, оюутнуудын судалгаа, шинжилгээний ажлыг дэмжих, тэдний бүтээлч сэтгэлгээг авлигатай тэмцэх үйл ажиллагаанд тусгах, шударга ёсны төлөөх дуу хоолойг нь нийгэмд түгээх зорилготой.
Илтгэлийн агуулга:
Шударга ёсыг тогтоох, бэхжүүлэх, хангах, шударга бус байдалтай тэмцэх, шударга ёсыг тогтооход төр, засаг, иргэний нийгэм болон бусад этгээдийн оролцоог тодорхойлох, шударга ёсны зарчмыг дэлгэрүүлэх, шударга ёсны шалгуур үзүүлэлтүүдийг бий болгох, шударга ёсыг эрхэмлэх үзлийг төлөвшүүлэх

Илтгэлд тавих шаардлага:
Авлигаас урьдчилан сэргийлэх, олон нийтийг соён гэгээрүүлэх үйл ажиллагаанд түлхэц болохуйц шинэлэг, бүтээлч санаа дэвшүүлсэн байна.

* Илтгэл нь заасан агуулгын хүрээнд утга санаагаа илэрхийлсэн, тодорхой түвшинд судалгаа, шинжилгээний эрэл хайгуул хийсэн, асуудал дэвшүүлсэн, гаргалгаа хийсэн байна.
* Урьд өмнө нь хэвлэгдээгүй, тавьж хэлэлцүүлээгүй илтгэлийг уралдаанд ирүүлнэ.
* Уралдаанд оролцогч нь илтгэлдээ өөрийн товч намтар /анкет/-ыг хавсаргана.
* Уралдаанд ирүүлсэн илтгэлүүдээс шилдэг 10 илтгэлийг сонгож, хэлэлцүүлнэ.
* Илтгэлийг 6-10 нүүрэнд багтаасан байх, мөр хоорондын зай single, үсгийн фонт 12-оор, А4 хэмжээтэй цаасан дээр бичсэн байна.

Хугацаа:
Илтгэлийг 2009 оны арваннэгдүгээр сарын 15-наас арванхоёрдугаар сарын 1-ний өдрийн 18.00 цаг хүртэл Авлигатай тэмцэх газарт болон contact@iaac.mn Энэ имэйл хаяг халдлагаас хамгаалагдсан. Та JavaScript -ээ идэвхижүүлж байж харах боломжтой гэсэн мэйл хаягаар хүлээн авна.
Оролцогчийн анкетийн загварыг ЭНД ДАРЖ татаж авна уу. Холбоо барих утас: 70112467, 70112465.

2009 оны 12 дугаар сарын 5-ны өдөр 10 илтгэлийг хэлэлцүүлж, шилдэг илтгэлийг шалгаруулна.

Шагналыг 12 дугаар сарын 9-нд буюу Олон улсын Авлигын эсрэг өдрөөр гардуулна.

Шагнал:

Нэгдүгээр байр /1/ Зөөврийн компьютер, өргөмжлөл

Хоёрдугаар байр /1/ Дижитал аппарат, “Интерном” номын дэлгүүрээс 50,000 төгрөгт багтаан дуртай номоо сонгон авах эрх, өргөмжлөл

Гуравдугаар байр /1/ mp4, “Интерном” номын их дэлгүүрээс 30,000 төгрөгт багтаан дуртай номоо сонгон авах эрх, өргөмжлөл

Бусад шилдэг 7 илтгэлийг дурсамж, үнэ бүхий зүйлээр шагнаж урамшуулна.

Шалгаруулах комисс:

Авлигатай тэмцэх газар, Монголын Сэтгүүлчдийн нэгдсэн эвлэл, НҮБ-ын Хөгжлийн хөтөлбөрийн “Монгол Улсад шударга, ил тод байдлыг бэхжүүлэхэд дэмжлэг үзүүлэх” төслийн нэгж, эрдэмтэн, судлаачид, багш нараас бүрдсэн шүүгчдийн баг
Дэлгэрэнгүй үзэх...

Илтгэл гэж юу вэ? Илтгэгч гэж хэн бэ?

Илтгэх урлаг гэдэг нь ярих урлаг бєгєєд зєв сайхан ярьж чаддаг байхыг чухалчилдаг. Илтгэл гэдэг нь хvн єєрийн санаа бодол, vзэл баримтлалаа зорилго чиглэлтэйгээр бусадтай харилцан солилцох арга хэрэгсэл юм. Илтгэх гэдэг нь...

зєвхєн шалгарсан улс тєрчид, удирдах ажилтнуудад л хамаатай зvйл гэж олон хvн андуу бодож энэ чиглэлд єєрийгєє хєгжvvлэх тухайд боддоггvй, хаячихдаг.
Гэтэл аливаа албан харилцаа бvр санаагаа зєвєєр илрэхийлэх, єєртєє болон ажилдаа эзэн байх тухай vг хэлэх, мэдээлэл хийх, илтгэх чадвартай байхыг шаарддаг. Иймээс ямар ч ажил мэргэжил, албан тушаалын хvн илтгэгч байж болно. Илтгэгч хvн гэдэг тухайн нєхцєлд зохиогч, яригчийн vvргийг давхар гvйцэтгэж байдаг.
ОХУ-ын ерєнхий боловсролын сургуулийн 11-р ангид “Риторика” буюу илтгэх урлаг гэдэг хичээл оруулж эхлээд байгаа нь хvний хєгжилд энэ чадварыг чухалчилж байгаагийнх. АНУ-д дунд сургуулийн анги бvрт индэр байдаг бєгєєд сурагчдыг ямар нэгэн сэдвээр байнга яриулж, нєхєддєє, эцэг эхдээ, багш нартаа баярлаж талархаж байгааг нь хэлvvлж байдаг. Энгийн зvйлээс илтгэх чадварт сургаж байгаа нь энэ. Монгол хvvхдvvд ч єнєєдєр дэлхий нийтийн хандлагаас хоцрох учиргvй. LADY тєв “Залуу илтгэгч” сургууль байгуулсны шалтгаан нь энэ.
Илтгэгчийн vг хэл товч тодорхой, оновчтой байх ёстой. Ийм байх нь ойлгомжтой, сонирхолтой бас цаг хэмнэнэ. Бvтэн цаг vргэлжилсэн хэрнээ 20-иод минут л болсон юм шиг, эсрэгээр 10 гаруйхан минут болсон хэрнээ бvтэн цаг болсон юм шиг залхуутай санагдах хоёрын аль нь сонирхолтой, vр дvнтэй байх вэ? Товч цєєн vгээр ярина гэдэг нь хэрэгцээгvй vг, бvдэг утгаас зайлж чадаж байнаа л гэсэн vг. Юм юмны тухай мєртлєє юуны ч тухай биш яриа байдаг байна. Энэ нь сунжруу, нуршуу, утга санаа бvрхэг, барьцгvй юм ярьсан л гэсэн vг.
Илтгэгчийн дадлага, чадварын гол нь мэдлэгийн нєєц байдаг. Их зvйл уншсан судласан, практикт хэрэгжvvлдэг хvн л мэдлэгээр илvv байна. Ийм илтгэгчид хэдийнээ єєрийн гэсэн арга барилтай, имижтэй болчихсон байдаг. Харин янз бvрийн ажил мэргэжлийн анхлан илтгэгчдэд энд єгvvлж буй бvхнийг хvлээж байгаа юм. Илтгэгч бvх ярих юмаа бичгийн хэвэнд оруулж аван тvvнийгээ харж ярих юм бол сонсогчид хvлээж авахгvй. Эсвэл бас хэлэх vгээ бичсэн байдлаар нь уншихад ч мєн адил. Тиймээс илтгэлээ хэрхэн тєлєвлєснєє танилцуулчихаад ярьж эхлэсэн нь дээр. Vгvй бол шууд ярьж болно. Ямар ч байдлаар байлаа гэсэн олны ємнє мэдлэгээ найруулан ярьж байгаагийн хувьд зохиогч болж, газар дээр нь мєн нэвтрvvлэгч болж байгаа хэрэг.
Тиймээс vгийг буруу хазгай хэлж ашиглах юм бол засч залруулах боломжгvй тул илтгэгчид маш их vvрэг хариуцлага тулгарч байдаг. Нєєц мэдлэг, дадлага, чадвар шаардсан энэхvv илтгэх урлагт суралцах нь ажил хэрэгч хvний болон оюутан таны зайлгvй эзэмшвэл зохих эрдэм юм.


Дэлгэрэнгүй үзэх...

Илтгэл тавих 18 зөвлөгөө

Оросын алдарт сэтгэл судлаач А. Р. Эльконикийн Илтгэл тавихдаа анхаарах зөвөлгөөг хүргэж байна. Хэрвээ та ямар нэгэн газар илтгэл тавихаар бэлдэж байгаа бол энэ зөвөлгөөг заавал нэг уншаад үзээрэй.
1. Лекц бэлтгэхдээ уг сэдэвт шууд буюу шууд бус холбогдох сонирхолтой чухал мэдээллийг цуглуулж аль болох товчхон төлөвлөгөө зохио...
2. Энгийн төв хувцасласан байх.
3. Илтгэл тавихын өмнө ярих зүйлээ эхнээс нь дуустал урьдаар бодож яв цав болгох нь чухал
4. Хэрэв илтгэгч хэлэх гэж байгаа зүйлээ нэгд нэгэнгүй санаж байгаа бол чөлөөтэй тайван итгэлтэй ярьж чадна.
5. Сонсогчдын өмнө биеэ барих, яриа маань эвгүй болох вий гэж зовох зэрэг сэтгэл зовнил нь илтгэгч хүнд үлэмж саад болдог.
6. Яриагаа чанга тод ойлгомжтой, давтсан нэгэн хэвийн өнгөөр биш, аль болох энгийн бөгөөд утга төгөлдөр байлгах хэрэгтэй.
7. Ярианы өнгийг энгийн болгож болох бөгөөд ярьж байгаа зүйлтэйгээ уялдуулан дуу хоолойныхоо өнгийг сольж байх хэрэгтэй. Өнгө бол онцлон тэмдэглэж байгаа хэрэг юм.
8. Дохио зангаа хөдөлгөөн нь яриаг амьдруулах ашигтай боловч түүнийг болгоомжтой хэрэглэх хэрэгтэй.
9. Сонсогчдыг хэсэг хэсгээр нь харж ярих ашигтай. Учир нь тэдэнд тааламжтай байдаг.
10. Илтгэгч гэрэлтэй газраас яриагаа нүүр царайныхаа байдлаар илэрхийлэн гаргах хэрэгтэй.
11. Ямар ч тааламжгүй байдалд бие барих чадвар, хатуу тэвчээрийг илтгэгч хүнээс шаарддаг. Энэ дотроо анхаарал сарниулах ямар ч шалтгаанд авталгүй ярьж байх ёстой.
12. Хэрэв яриа эхлэхийн өмнө мэдэгдэхүйц шуугиан гарч сонсогчдын санаа сэтгэл тогтворгүй байвал юуны өмнө тэр чимээг намдаах, анхаарлаа төвлөрүүлэхэд чиглэгдсэн өгүүлбэр хэлж болно.
13. Нэг хэвийн зүйлийг давтан ярихаас зайлсхийх нь зүйтэй. Ийм яриа ялангуяа илтгэлийн эхлэл, төгсгөл хоёрт үлэмж хортой.
14. Ярихдаа нэг үгийг ойр ойрхон хэрэглэхгүй байх нь чухал.
15. Ярианы хэлбэр энгийн ойлгомжтой байвал сайн. Гадаад үг хэллэгийг оруулж болно. Харин түүнийгээ тухай бүрд нь тайлбарлах хэрэгтэй.
16. Лекцээ амжилттай болгохын тулд
А. Сонсогчдын анхаарлыг татах
Б. Илтгэгчийн ярианы эхлэл үнэхээр энгийн ойлгомжтой байх ёстой.
17. Илтгэгчийн гол санаа тодорхой байх нь лекцийн амжилтанд их нөлөөтэй. Хэрвээ санаа нь нэгээс нөгөөд шилжээд байвал тэр яриаг сонсож ойлгоход хэцүү болно. Тиймээс яриагаа нэг нь нөгөөгөөс урган гарч байхаар төлөвлөх хэрэгтэй.
18. Сайхан яриа гэдэг бол энгийн тод, ойлгомжтой утга төгөлдөр байх ёстой

Дэлгэрэнгүй үзэх...

Илтгэх урлагийн онол

Олон нийтийн өмнө илтгэлээ хэрхэн амжилттай тавих, анхаарах гол зүйл, Юуны тухай ярих нь сэдвээс хамаарна. Сэдвээ сонгосны дараа доорх асуултаар өөрийгөө шалгаарай...

1. Энэ сэдэв хүмүүст сонирхолтой байж чадах уу, үгүй юу.
2. Асуудалтай холбоотой материал хангалттай байгаа эсэх.
3. Цагтаа багтааж ярьж чадах эсэх.
4. Ярих зүйлдээ үнэхээр ёсэтгэлтэй байгаа эсэх.
5. Миний сэдэв болон мэдлэгийн түвшин сонгогчдын сонирхолд нийцэж байгаа эсэх.

Дэлгэрэнгүй үзэх...

“Эрдмийн Индэр” клубээс зохион байгуулсан лекцүүд

2005 оны эхний улиралд

1. 2005-02-26 “Монголын Лектор Төв”-ийн захирал Ц.Баатархүү “Имижээ зөв бүрдүүлэх нь их амжилтын үндэс” сэдэвт лекцийг зохион байгуулснаар “Эрдмийн Индэр”клубын үйл ажиллагаа эхэлсэн.

2. 2005-03-04 УИХ, ЗГ-ын гишүүн Б.Жаргалсайханы “Монгол улсыг хөгжүүлэх гол хөшүүрэг нь мэдээлийн технологи мөн үү?“ сэдэвт лекцийг оюутны зөвлөлтэй хамтран зохион байгуулав.

3. 2005-03-25 Доктор профессор багш Г.Цогбадрахын “Холбоо Мэдээллийн Технологийн Сургуулийн оюутан гэж хэн бэ?”, ШУ-ны Доктор Профессор багш Б.Сүхбаатарын “Эрдэм судлалын ажил, эрдэмтэн хүний тухай” сэдэвт лекцийг зохион байгуулав.

2005 – 2006 оны хичээлийн жил.

1. 2005-10-20 “Хан-Уул” дээд сургуулийн захирал доктор, профессор Ц.Дэмбэрэл “Оюуны сэтгэлгээний дээд курс” сэдвээр лекц уншив.

2. 2005-11-11 Феншүй төвийн тэргүүн, Эдийн засагч С.Ганбаатар “Бизнесийн PR” сэдэвт лекц

3. 2005-11-18 МУЗГ хэрэгжүүлэгч агентлаг Мэдээлэл Харилцаа Холбоо Технологийн газрындарга Ч.Сайханбилэг “Е-МОНГОЛ” сэдэвт лекц

4. 2006-3-15 “ТOEFL гэж юу вэ?” сэдэвт лекцийг дэлхийн ETS-ийн монгол дахь
төлөөлөгч, захирал Г.Төмөрчөдөр оюутан залууст уншив.

5. 2006-03-31 “Сэтгэшгүй ухаан” сургалтын төвийн захирал Д.Эрдэнэбаатар “1 цагт50-н гадаад үг цээжлэх арга” сэдэвт лекц

6. 2006-04-13 MobiCom, New-Tel ХХК-ийн Сансрын холбооны салбарын менежер М.Мөнхтуяа “IRIDIUM үйлчилгээ” сэдэвт лекц

7. 2006-04-14 “Англи хэл амжилттай сурах стратеги” лекцийг Анли хэлээр Монголын Анли хэлний Акедемийн ерөнхийлөгч, Доктор, Профессор З.Ганчимэг уншлаа.

2006 – 2007 оны хичээлийн жил.

1. 2006-09-21 СГЗ, бурханч лам Пүрэвбатын “Бэрхшээлээс ангижрахуйн нууц” сэдэвт

лекц

2. 2006-09-28 Б.Арго багшийн “Олон хэлийг яаж төгс сурах вэ? ” сэдэвт лекцийг зохион байгуулав.

3. 2006-10-19 Монгол Улсын Засгийн Газраас зарласан “Үндэсний хөгжлийн цогц бодлого” хөтөлбөрт шалгарсан “Соёмбо-21” багийнхан “Эх оронч үзэл” сэдэвт лекцийг зохион байгуулав.

4. 2006-10-26 Монголын лектор төвийн менежер Мэргэнбаярын “Boss student” сэдэв лекцийг зохион байгуулав.

5. 2006-11-09 Монгол улсын соёлын тэргүүний ажилтан, Хүүхэд залуучуудын элч дуучин С.Жавхлан анх удаагаа оюутан залуустайгаа уулзаж, “Би монгол хүн” чөлөөт ярилцлага хийлээ.

6. 2006-11-17 Дэлхийн оюутны эрхийн өдрийг тохиолдуулан УИХ, ЗГ-ын гишүүн
Л.Гүндалайг урьж оюутнуудтай уулзууллаа.


7. 2006-12-01 Шилдэг лектор, Эдийн засагч Сайнхүүгийн Ганбаатарын “Амжилтанд Тэмүүлцгээе Залуус аа” сэдэвт лекц.


8. 2007-02-15 МУ-ын АУЗ Тангадын Галсангийн “Төрийн хуулиас Гэрийн ёс хатуу” сэдэвт лекц.

9. 2007-03-05 Хэл шинжлэлийн Докторант П.Даваахүү “Шилмэл америк хар яриа” сэдэвт лекц.

10. 2007-03-15 “Электроникийн мэргэжил бодож байснаас минь зуу дахин сонирхолтой учир уйдах цаг олдоно гэж үгүй…” сэдэвт лекцийг электроникийн тэнхимийн Д.Луубаатар багштай хамтран зохион явуулсан.

11. 2007-03-22 УИХ-ын гишүүн асан, Буян компанийн захирал Б.Жаргалсайхан “Биднийг хүлээж байгаа ажлын байр” сэдэвт лекц.

12. 2007-04-05 Камертон хамтлагийн ахлагч, R&B дуучин Болд, продюсер Наранзун нарыг урьж оюутан залуустайгаа уулзуулж нэгэн өдрийг хөгжилтэй өнгөрөөлөө.

13. 2007-04-26 Оюутны “Эрдмийн Индэр” клубыг үүсгэн санаачлагч, клубын тэргүүн Г.Нямхүүгийн “Амжилттай оюутан ирээдүйн манлайлал” сэдэмт лекц.

14. 2008-04-10 “Монголын Лектор Төв”-ийн тэргүүн, улс төр судлаач, Лектор
Ц.Баатархүүгийн “Ажил хэргийн гурвалжин” сэдэвт лекц

2008-2009-н оны хичээлийн жилд

1. 2008-09-09 Монголын Ногоон Намын дарга, DATAcom компанийн захирал, УИХ-ын гишүүн Д.Энхбатын “Мэдээлэл ба Нийгэм” сэдэвт лекц.

2. 2009-02-10 Шилдэг лектор, Эдийн засагч, Монголын Үйлдвэрчний Эвлэлүүдийн Хорооны дарга С.Ганбаатарын “Мэдээлэл бидний амьдралд” сэдэвт лекц.

3. 2009-03-17 МУИС-ийн багш, хэлзүйн ухааны доктор, дэд профессор Г. Буянтогтохын “Мартаж болохгүй Монгол хэл” сэдэвт лекц.

4. 2009-03-24 УИХ-ийн гишүүн, хуульч Х. Тэмүүжиний “Хууль бидний амьдралд...” сэдэвт лекц

5. 2009-04-15 25-р суваг телевизийн захирал, УИХ-ын гишүүн, З. Алтай “Дөрөв дэх засаглал” сэдэвт лекц

6. 2009-05-06 АН-ын гишүүн, нийтлэлч Б. Батбаярын “Бүгдийг Baabarpedia-гаас” сэдэвт лекц


7. 2009-05-12 МУГЖ Д.Сосорбарамын “Эх хүн Эх дэлхийн бэлгэдэл” сэдэвт лекц

Дэлгэрэнгүй үзэх...

Оюутны “Эрдмийн Индэр” Клуб

ШУТИС-ийн харьяа Мэдээлэл Холбооны Технологийн Сургууль

Оюутны “Эрдмийн Индэр” Клуб

“Монголын Лектор төв”-ийн дэргэдэх анхны клуб болох оюутны “Эрдмийн Индэр” клуб нь 2005 оны 2 дугаар сарын 26-ны өдөр байгуулагдсан. Байгуулагдсан цагаас хойш үйл ажиллагаагаа тогтмол явуулсаар ирсэн.

Бидний эрхэм зорилго:

ШУТИС-ийн MXТС-ийн эрхэм зорилгыг дээдэлж, эзэмшсэн мэргэжилдээ эзэн болсон, олон талын мэдлэг боловсролтой, оюуны өндөр чадавхитай шилдэг залуусыг бэлтгэхэд тус нэмрээ оруулахад оршино.


Бидний уриа: Оюунлаг Үгийг Оюутан бүрт...

Клубын үйл ажиллагааны үндсэн чиглэл:

• Өөрийгөө хөгжүүлэх, бусдаас шинэ сонин мэдээлэл авах, олсон мэдлэгээ хуваалцах сонирхолтой оюутан залуусыг дэмжиж хамтран ажиллах.
• Оюутнуудынхаа нийгмийн амьдрал, суралцах нөхцөлд нь тулгамдаж буй асуудалд судалгаа хийсний үндсэн дээр туслах.
• Оюутан залуусын дунд оюуны төрөл бүрийн тэмцээн, уралдаан зохион явуулах.
• Сургуулийн нийт оюутнуудад ёс зүйн болоод эрх зүйн хүмүүжлийг олгох арга хэмжээг зохион байгуулах.
• Сургуулийн нийт багш ажилчид, оюутан залууст зориулж шинэ сонирхолтой, мэргэжлийн ном хэвлэл, сэтгүүлийг тогтмол танилцуулах, мэдээлэл өгөх.

Клубын бүтэц зохион байгуулалт:

“Эрдмийн Индэр” клубээс
Оюутан залуусын дунд зохион явуулж байсан зарим ажлууд

Дэлгэрэнгүй үзэх...